Zv/kryeministrja Belinda Balluku, në konferencën e përbashkët për shtyp me kryetaren e delegacionit të Bashkimit Europian në vendin tonë, Christiane Hohmann, theksoi se progres-raporti flet “për një parashikim hipotetik që amnistia fiskale të krijojë problematikat e përmendura në raport”.
“Në progres-raport shkruhet “could”, që do të thotë “mund”. Jemi duke folur për një draft, kështu që pozicioni i komisionit dhe çfarë progres-raporti tregon, flet për mundësinë, që do të thotë një parashikim hipotetik që amnistia fiskale të krijojë problematikat e përmendura në raport. Amnistia fiskale për ne është shumë e rëndësishme, e konsultuar me 500 mijë qytetarë. Ky është një vend që vjen nga një e shkuar komuniste dhe që nga viti 1992, ka pasur shumë njerëz që kanë emigruar dhe kanë punuar me djersë. Paratë janë mbajtur nëpër shtëpi, pa mundësi legjitimimi”, tha Balluku.
“Amnistitë fiskale janë bërë dhe nga shtete të tjera, nuk po bëhet nga vendi ynë për herë të parë. Ne i dëgjojmë shqetësimet e Bashkimit Evropian, mësojmë nga gabimet që kanë bërë vendet e tjera të BE-së, për të bërë një proces sa më të mirë, që nuk bie ndesh me kërkesat e Komisionit, por edhe mos të bjerë ndesh me dëshirën e shqiptarëve”, shtoi zv/kryeministrja. (A2 Televizion)
A2 CNN Livestream
MUND TE LEXONI GJITHASHTU
