26-vjetori i masakrës së Srebenicës është kujtuar gjithashtu edhe nga kryetari demokrat Lulzim Basha në një postim në Twitter, kreu i selisë blu shprehet se ky akt gjenocidi dueht dënuar nga e gjithë bota. Ai tha se PD do të paraqesë në Kuvend një rezolutë për të dënuar genocidin serb në Kosovë.
“Masakra e Srebenicës është një akt genocidal i cili duhet të njihet dhe të dënohet si i tillë nga bota e civilizuar. Shqipëria duhet të ketë kurajon dhe pavarësinë për ta dënuar atë dhe genocidin serb në Kosovë, mbi të cilin Partia Demokratike e Shqipërisë do të paraqesë në Kuvend një rezolutë”, shkruan Basha.
Në 7 korrik 2021 deputetët e Kuvendit të Kosovës miratuan me 89 vota pro, asnjë kundër dhe asnjë abstenim rezolutën për dënimin e gjenocidit në Srebrenicë.
Në korrik të vitit 1995, forcat serbe të Bosnjës vranë mbi 8 mijë burra dhe djem myslimanë në enklavën e Srebrenicës, që ishte caktuar si “vend i sigurt” nga Kombet e Bashkuara. (A2 Televizion)
A2 CNN Livestream
MUND TE LEXONI GJITHASHTU
