Ndalesa e Lulzim Bashës për fushatën zgjedhore të 6 marsit ishte bashkia e Dibrës. Me në krah kandidatin e tij Luan Hakën, Basha tregoi optimizëm për punët e drejtësisë, lidhur me çështjen e inceneratorëve.
“Ishte qëndresa jonë që luftuam pa kompromis që beri daljen në pah të së vërtetës, drejtësia do të fillojë të veprojë, shqiptarët nuk e kanë hak keqqeverisjen, dhe varfërinë”, shtoi Basha.
I sigurt ishte edhe për votën e dibranëve për Luan Hakën. “Dibranët e zgjuar as nuk blihen dhe as nuk mashtrohen”, tha Basha.
Kreu demokrat risolli një premtim që e ka bërë edhe në fushatën e zgjedhjeve të 25 prillit, ndërtimin e një universiteti në Dibër.
Kandidati Luan Haka paraqiti para demokratëve disa prej objektivave që ka për këtë bashki ku kryesonte zhvillimi i bujqësisë. (A2 Televizion)
A2 CNN Livestream
MUND TE LEXONI GJITHASHTU
