Lulzim Basha e ka cilësuar një akt të ulët e provokativ rrëmbimin e 3 policëve të Kosovës nga forcat speciale të Serbisë.
Përmes një postimi në rrjetet sociale, Basha kërkoi lirimin e menjëhershëm të efektivëve dhe iu bëri thirrje Kosovës e Serbisë që të ulen në tryezën e bisedimeve.
“Rrëmbimi i tre policëve të Kosovës sot nga forcat speciale të Serbisë është një akt i ulët provokativ që synon destabilizim.
Integriteti dhe sovraniteti territorial i Kosovës është i paprekshëm, i garantuar nga faktori ndërkombëtar dhe akte të tilla janë thjesht dhe vetëm tentativa për përshkallëzim të tensioneve.
Aleksandër Vuçiç duhet t’i ndalojë menjëherë provokimet dhe të urdhërojë lirimin e punonjësve të Policisë së Kosovës!
Kosova dhe Serbia duhet pa humbur kohë të ulen në tavolinën e bisedimeve dhe së bashku me partnerët tanë, SHBA-ja dhe BE-ja të gjejnë zgjidhje për situatën e krijuar dhe për t’i dhënë fund me njohje reciproke mosmarrëveshjeve që po prodhojnë vazhdimisht tensione. Vetëm në këtë mënyrë, do të ruhet paqja dhe stabiliteti rajonal dhe të dyja vendet do të fokusohen drejt zhvillimit dhe mirëqenies së qytetarëve”, shkruan Basha. (A2 Televizion)
A2 CNN Livestream
MUND TE LEXONI GJITHASHTU
