Bashkëshortja e John Travolta, Kelly Preston, u nda nga jeta në moshën 57-vjeçari, pasi humbi betejën me kancerin e gjirit. Lajmin e konfirmoi vetë ylli i Hollivudit, përmes një postimi në Facebook.
“Zemërthyer, ju informoj që bashkëshortja ime e bukur Kelly humbi betejën dyvjeçare. Ajo luftoi me guxim, me dashurinë dhe mbështetjen e shumë njerëzve. Familja ime do t’i jetë përherë mirënjohëse mjekëve dhe infermierëve që e ndihmuan, si edhe miqve e të dashurve tanë që na qëndruan pranë. Jeta dhe dashuria e saj do të mbahen mend gjithmonë. Do të marr ca kohë për të qëndruar pranë fëmijëve që humbën nënën e tyre, kështu që do të më falni nëse nuk dëgjoni gjë prej meje për ca kohë”, shkroi aktori në Facebook.
Çifti kishin dy fëmijë, 20-vjeçaren Ella dhe 9-vjeçarin Benjamin. Në vitin 2009, fëmija i tyre i tretë, Jett, në atë kohë 16 vjeç, humbi jetën ndërsa familja ishte me pushime në Bahamas.
Kelly, gjithashtu aktore në Hollivud, ka luajtur në disa filma të famshëm dhe seriale televizive. (A2 Televizion)
A2 CNN Livestream
MUND TE LEXONI GJITHASHTU
