Brigitte Macron, bashkëshortja e presidentit francez, ka nisur një aksion ligjor kundër teorisë konspirative që pretendon se ajo ka lindur mashkull. Lajmi i rremë daton që në mars, por është përhapur në rrjetet sociale përgjatë dy muajve të fundit.
Sipas tij, Brigitte , e cila ka tre fëmijë nga martesa e parë, ka lindur mashkull me emrin, Jean-Michel Trogneux. Lajmi i rremë duket se është shfaqur fillimisht në faqen “Natasha Rey” në Facebook. Faqja e asaj që e përshkruan veten gazetare është e mbushur me teori konspirative mbi çështje të ndryshme.
Teoria fitoi popullaritet në mesin e tetorit, pas publikimit të një artikulli mbi misterin e supozuar të Brigitte, në revistën “Faits et documents”, e themeluar në vitin 1996 nga figura e së djathtës ekstreme Emmanuel Ratier.
Hashtagu #JeanMichelTrogneux u shfaq për herë të patë në Twitter në 1 nëntor, e për një muaj qëndroi nën radar para se të përjetonte hov spektakolar në shpërndarje. Sipas të dhënave ai është ripostuar mbi 68 mijë herë.
Kjo nuk është hera e parë që çifti Macron shënjestrohet nga thasthemet lidhur me ndërrimin e gjinive apo orientimi seksual. Gjatë një fushate presidenciale të vitit 2017, presidentit Emanuel Macron iu desh të mohonte pretendimet se ishte homoseksual. (A2 Televizion)
A2 CNN Livestream
MUND TE LEXONI GJITHASHTU
