Autoritetet shëndetësore britanike njoftuan se nga 8 dhjetori, data e fillimit të vaksinimit me variantin e Pfizer, kanë vaksinuar rreth gjysmë milionë persona, në veçanti mjekë dhe persona të rrezikuar.
Bëhet fjalë për dozën e parë, nga momenti që vaksina e Pfizer parashikon dy doza me distancë kohore. Vendi po ecën me ritme të mira në vaksinim, por ekspertët nënvizojnë se vetëm me vaksinat e Pfizer, vështirë se mund të ndodhë një vaksinim i gjerë i popullatës dhe çlirim i masave shtrënguese para verës së vitit të ardhshëm.
Britania e Madhe ka porositur 40 milionë vaksina nga Pfizer dhe 7 milionë nga Moderna, por shpresat e saj për të përshpejtuar shtrirjen e vaksinimeve e ka te varianti i Astra Zeneca, i krijuar në bashkëpunim me universitetin e Oksfordit.
Problemet e vaksinës së Oksfordit kanë të bëjnë me një anomali që bën injektimin e gjysmë doze para dozës së tjetër që nevojitet, me të efektshëm se dy dozat e plota që parashikoheshin nga prodhuesit.
Në rastin e parë, efektiviteti shkonte deri në një 90% qetësues, ndërkohë që dy dozat e ulnin atë në një 62% më modest. (A2 Televizion)
A2 CNN Livestream
MUND TE LEXONI GJITHASHTU
