Partizani nuk arriti të merrte një fitore që do të kishte qenë tepër e rëndësishme në prag të derbit me Tiranën, pasi u ndal në “Air Albania Stadium”, në një barazim nga Bylisi.
Në ndeshjen e dytë brenda dy ditësh që zhvillohej në stadiumin e ri kombëtar, të kuqtë kaluan në epërsi brenda katër minutash lojë, me Ëilliam, ndërsa në të 19’ dyfishuan rezultatin me Çinarin. Por ballshiotët arritën të shkurtonin diferencën në të 30’ me Ntephe, ndërsa tronditën vendasit katër minuta nga fundi kur Guindo shënoi golin e dytë dhe të barazimit.
Më herët Laçi fitoi në Vlorë 3-1 kundër Flamurtarit, ndërsa Vllaznia mundi 4-0 Luftëtarin. Gjirokastritët dhe vlonjatët e kanë vulosur tashmë fatin e tyre dhe do të luajnë një kategori më poshtë sezonin e ardhshëm, ndërsa Vllaznia dhe Skënderbeu përballen javën e ardhshme në sfidën direkte për të dalë nga vendi i tetë që do sjell edhe një playout për qëndrimin në Superiore.
Korçarët do të udhëtojnë në Shkodër javën e ardhshme me një pikë më tepër falë fitores që morën këtë të shtunë kundër Teutës, me shifrat 3-2. (A2 Televizion)
A2 CNN Livestream
MUND TE LEXONI GJITHASHTU
