Briken Calja e mbyll Europianin e Peshëngritjes në Armeni, në mënyrën më të keqe, pasi shqiptari nuk mundi të ngrejë lart në asnjë rast shtangën.
Në stilin e shkëputjes, sportisti kuqezi dështoi dy herë në peshën 151 kg, ndërsa të tretën provoi 152 kg, por sërish nuk ia doli dot.
E sikur të mos mjaftonte kjo, Calja pësoi dhe një dëmtim çfarë bëri që të mos garonte me stilin e shtytjes, duke mbyllur Europianin e Armenisë pa u renditur.
Më herët në podium, u ngjit Erkand Qerimaj që garoi në Baterinë B të peshës 73 kg. Në stilin e shkëputjes, shkodrani e nis garën me 145 kg, ndërsa në provën e dytë ngriti me suksese 150 kg.
Në të tretën, shtangisti nuk mundi të ngrejë 152 kg dhe përfundoi i pesti në renditje. Në shtytje Qerimaj ngriti 168 kg, por dështoi në dy provat e tjera me 173 kg.
Një paraqitje pozitive për shtangistin shqiptar që me 318 kg në dygarësh, Erkand Qerimaj mbylli garën në Baterinë B në vendin e 10. (A2 Televizion)
A2 CNN Livestream
MUND TE LEXONI GJITHASHTU
