Christian Eriksen shpallet nga UEFA lojtari më i mirë i ndeshjes

UEFA ka shpallur Christian Eriksen si lojtarin më të mirë të ndeshjes Danimarkë-Finlandë.

Mesfushori danez humbi ndjenjat në pjesën e parë të ndeshjes që danezët e humbën 1-0, por UEFA vendosi që të vlerësonte mesfushorin që trembi mbajti në ankth të gjithë botën e futbollit.

“Futbolli është një sport i mrekullueshëm dhe Christian e interpreton atë në mënyrë të shkëlqyer”, lexohet në rrjetet sociale të organizmit drejtues të futbollit evropian.

Më parë, UEFA kishte bërë të ditur se Eriksen ndodhej i shtruar në spital, në gjendje të qëndrueshme shëndetësore, ndërsa mediat daneze publikuan se mesfushori kishte folur me video me shokët e ekipit dhe u kishte kërkuar atyre që të ktheheshin në fushë për të luajtur. (A2 Televizion)