Pavarësisht përplasjeve në distancë me Goran Pandev, Muamed Sejdini, do të vijojë të jetë në krye të Federatës së Futbollit të Maqedonisë së Veriut edhe për katër vitet e ardhshme.
Me 52 vota pro dhe asnjë kundër, Sejdiu mori besimin e delegatëve edhe për një tjetër mandat në mbledhjen e mbajtur këtë të diel në Shkup. Në këto zgjedhje, presidenti Sejdini garoi i vetëm, pasi Lidhjet Komunale të Futbollit nuk kandiduan një tjetër person.
Sejdini mori postin e kreut të Federatës së Futbollit të Maqedonisë së Veriut në marsin e vitit 2019, kur zëvendësoi Ilço Gjorgjioskin.
Dy vitet e para të drejtimit kanë qenë tejet të suksesshme për Sejdiun, pasi për herë të parë Maqedonia e Veriut u kualifikua në Kampionatin Europian të Futbollit. (A2 Televizion)
A2 CNN Livestream
MUND TE LEXONI GJITHASHTU
