Procesi gjyqësor nda Emiljano Shullazin dhe 4 te pandehurve në Apel shënoi një tjetër seancë të dështuar. Seanca u shoqërua me debate te ashpra midis te pandehurit Endrit Zela dhe gjyqtares Albana Boksi.
Zela pretendoi se gjyqtarja po i imponohet procesit dhe donte me çdo kusht të zhvillojë gjykimin. “Kam kërkuar dorëheqjen tënde pasi ti nuk na garanton një proces të drejtë dhe ligjor", tha Zela.
Ai u shpreh se nuk pranon avokat të caktuar kryesisht por avokatin e zgjedhur prej ti Blerdar Shanja i cili nuk është paraqitur në seancë për shkak të konfliktit të interesit që ka me gjyqtaren Boksi.
Gjithashtu avokatja e caktuar kryesisht në këtë seancë, Eralda Brahimasi, u shpreh se nuk merr përsipër mbrojtjen e të pandehurit pasi është gjobitur më herët nga kjo gjykate edhe pse kishte dorëzuar raport shëndetësor.
Vitin e kaluar, Gjykata e Krimeve të Rënda dënoi me 14 vite heqje lirie Emiljano Shullazin, për akuzat e gjobëvënies dhe krijim të grupit të strukturuar kriminal. Për katër anëtarët e tjerë të grupit, gjykata caktoi: 12 vite burg për Gilmando Danin, 10 vite për Indrit Qyqjen dhe Indrit Zelën, ndërsa u dënua me 9 vite Blerim Shullazi . Në vendimin e Gjykatës theksohet se askush nga të dënuarit nuk do të përfitojë liri me kusht. Në total, Gjykata e Krimeve të Rënda dha 55 vite burg për anëtarët e bandës, ndërkohë që prokuroria kishte kërkuar 64 vite. Pas apelimit të vendimit nga Shullazi dhe të tjerët, çështja zgjat prej më shumë se një viti. (A2 Televizion)
A2 CNN Livestream
MUND TE LEXONI GJITHASHTU
