Pas stuhisë së dëborës që përfshiu juglindjen fundjavën e kaluar, tashmë ulja e temperaturave disa gradë nën zero ka shfaqur shtresat e akullit nëpër rrugë, thuajse në të gjitha qytetet e juglindjes së vendit.
Ndërsa bashkitë janë kujdesur të pastrojnë trotuaret në qendër të qytetit, një situatë aspak e këndshme vjen nga lagjet dhe rrugicat e brendshme, kryesisht ato me kalldrëm në qytetin e Korçës.
Akulli është i pranishëm si në trotuare dhe rrugë duke vështirësuar dhe njëkohësisht rrezikuar qytetarët.
Një situatë e tillë raportohet në të gjitha qytetet e juglindjes që u përfshinë nga dëbora, ndërsa temperaturat që do të vijojnë të jenë të ulëta vështirë se do ta përmirësojnë situatën. Në Korçë e Pogradec gjatë këtyre dy ditëve janë mbi 10 raste qytetarësh që janë paraqitur me fraktura në trup, pasi kanë rrëshqitur në akull. (A2 Televizion)
A2 CNN Livestream
MUND TE LEXONI GJITHASHTU
