Zbulimet nga kalendari i veprimtarisë së Jeffrey Epstein nxjerrin në dritë prova të reja për abuzimet e tij me vajzat e mitura.
Aty del në pah se pedofili argëtohej me deri në 7 vajza të reja në ditë dhe ishte aq i fiksuar pas dhëmbëve të tyre sa kishte një karrige dentisti në rezidencë dhe i detyronte të shkonin te një ortodont në Manhatan.
Zbulimet janë pjesë e këstit të dokumenteve që i janë dorëzuar qeverisë së US Virgin Islands, si pjesë e hetimit për abuzimet me vajzat.
Ato tregojnë që, pavarësisht se ishte i regjistruar si dhunues sekskual dhe sapo kishte kryer një dënim me 13 muaj burg, pedofili kishte "agjendën" e zënë me vajza për të gjitha orët e ditës.
Vetëm në një ditë, Epstein pati tre "raunde" takimesh me dy vajza të reja, për ta mbyllur në orën 19:30 me një femër të vetme, duke arritur në shtatë vajza gjithsej brenda pesë orësh.
Midis emrave në kalendarë ishin shumë ruse, modele dhe një grua që më vonë paditi pedofilin duke thënë se ai ia mori virgjërinë dhe e detyroi atë të kryente një martesë të rreme për të mbajtur një nga bashkëpunëtorët e tij në SHBA.
Kjo panoramë shqetësuese të dhënash del nga qindra faqe dokumentesh me e-mail-e dhe ditarë nga pasuria e Epstein, i cili u vetëvar në pritje të gjyqit për trafikim seksual në 2019. (A2 Televizion)
A2 CNN Livestream
MUND TE LEXONI GJITHASHTU
