Dje kujtohej 76-vjetori i çlirimit të kampit të përqendrimit të Aushvicit nga forcat naziste, por për disa këshilltarë bashkiakë të një qyteze në Italinë e Veriut, “Dita e Kujtesës” jo vetëm nuk duhej respektuar, por përdhosur.
Kanë shkaktuar indinjatë në opinionin publik italian pamjet e marra nga kamerat që regjistronin një mbledhje të këshillit bashkiak në Cogoleto, një komunë e vogël afër Xhenovës.
Pikërisht në mbledhjen e 27 janarit, disa prej këshilltarëve në mënyrë të përsëritur votonin vendimet për buxhetin duke ngritur dorën, në mënyrën tradicionale të përshëndetjes fashiste.
Bëhet fjalë për tre këshilltarë të opozitës së qendrës së djathtë, një nga Lega, një nga Fratelli d’Italia dhe një i pavarur. Pamjet skandaloze u bënë publike nga vetë kryebashkiaku i Cogoletos, Paolo Bruzzone, këshilltarët mohuan çdo qëllim fyes por pamjet duket sikur i nxjerrin blof.
Sipas kryebashkiakut, këshilltarët janë dëgjuar duke thënë mes tyre “le të bëjmë përshëndetjen fashiste, si thoni?”, dhe tani i kërkon dorëheqjen dhe aksione ligjore për baltosje të vlerave të Kushtetutës italiane. (A2 Televizion)
A2 CNN Livestream
MUND TE LEXONI GJITHASHTU
