Banorët e lagjes “Skënderbeg” në qytetin e Lezhës kanë protestuar përpara impiantit të asgjësimit të mbetjeve shtazore, të ngritur në këtë zonë.
Sipas tyre aroma e çliruar nga procesi teknologjik është e padurueshme, duke sjellë problem në të gjithë zonën.
Banorët pretendojnë gjithashtu se teknologjia e vendosur në ketë impiant nuk i përshtatet zonave të banuara dhe është në kundërshtim me normat që mbrojnë ndotjen e ajrit.
“Është e padurueshme, 24 orë. Kemi shkuar tek Inspektorati i Mjedisit dhe kanë refuzuar të vijnë. Teknologjia që është këtu nuk përputhet me legjislacion, teknologji që vjen nga shtetet lindore” thotë një nga banorët në protestë.
Banorët e lagjes “Skënderbeg” kërkojnë që t’i jepet fund kësaj situate dhe institucionet të ndërhyjnë sepse e kanë anashkaluar këtë problematikë në mënyrë të përsëritur. Në të kundërt banorët kanë deklaruar se do të këtë përshkallëzim të protestave. (A2 Televizion)
A2 CNN Livestream
MUND TE LEXONI GJITHASHTU
