Është shtyrë sërish gjyqi ndaj deputetit demokrat, Ervin Salianji. Seanca ishte parashikuar të mbahej në orën 13:00 në Gjykatën e Apelit në Tiranë, por mësohet se është shtyrë për “arsye të mosformimit të trupit gjykues, gjyqi ndaj tij nuk mund të zhvillohet ditën e sotme”.
“Sot në datë 19.12.2022, ora 13:00, në Gjykatën e Apelit Tiranë, është planifikuar për t’u gjykuar çështja penale me të pandehur Ervin Salianji, etj. Për arsye të mosformimit të trupit gjykues, gjykimi i çështjes nuk do të mund të vijojë”.
Deputeti Salianji është marrë si i pandehur për shkak të kallëzimeve të tij, të pretenduara si të rreme, për përfshirje në trafikim të lëndëve narkotike të Agron Xhafajt, të vëllait të ish-ministrit të Brendshëm të asaj kohe, Fatmir Xhafajt.
Ai kundërshton dënimin me 1 vit burg, marrë në shkallën e parë si i pandehur i të ashtuquajturës dosja “Babalja”.
Kjo është hera e pestë që shtyhet gjyqi ndaj Salianjit. (A2 Televizion)
A2 CNN Livestream
MUND TE LEXONI GJITHASHTU
