Ish-Presidenti i Shteteve të Bashkuara të Amerikës, Donald Trump u deklarua i pafajshëm ndaj akuzave federale për “mbajtje të paautorizuar të dokumenteve sekrete të sigurisë kombëtare” pas largimit nga detyra.
Deklarimi i Trump para gjykatësit Jonothan Goodman në gjykatën federale të Majamit, shënon fillimin e një beteje ligjore që ka gjasa të vazhdojë gjatë muajve të ardhshëm, ndërsa ish-Presidenti vazhdon fushatën për të rimarrë Shtëpinë e Bardhë në zgjedhjet e 24 nëntorit të vitit 2024.
Ekspertët parashikojnë se mund të duhet një vit ose më shumë para se të zhvillohet gjyqi. Gjykata nuk i vuri kushte financiare apo kufizime udhëtimi Donald Trump. Gjykatësi Goodman vendosi që Trump nuk lejohej të komunikonte me dëshmitarët e mundshëm për këtë rast.
Çfarë u pa në seancën që zgjatën në totalin 50 minuta, me Trump që qëndronte me duart kryq, e si zakonisht veshur me një kostum të zi elegant dhe kollare të kuqe. Fytyra e tij herë pas here, sipas reporterëve, merrte shenja zemërimi e inati por shprehi të tjera nuk pati për asnjë moment.
Përpara se të fillonte seanca ai u pëshpëriti diçka në vesh avokatëve të tij, por nuk foli fare gjatë procedurës. Ai qëndroi pa lëvizur në karrige ndërsa avokati i tij u ngrit në këmbë dhe foli në emër të klientit. Ndryshe nga akuza ndaj zotit Trump në Nju Jork, në gjykatën federale në Majemi nuk u lejuan kamerat. (A2 Televizion)
A2 CNN Livestream
MUND TE LEXONI GJITHASHTU
