Në fushë mbahet mend si një futbollist luftarak, në vite ku ashpërsia e lojës në kampionatin italian ishte më e theksuar. Por, Mauro Bellugi, mbrojtësi i Interit, Bolonjës dhe kombëtares italiane gjatë viteve ’70, humbi një betejë me COVID-19, ku pas disa ndërlikimeve mjekët u detyruan t'i prisnin të dyja këmbët.
Ish-futbollisti 70-vjeçar ishte shtruar nga fillimi i nëntorit në spital, por disa probleme të mëparshme të shoqëruara nga pandemia, detyruan mjekët për vendimin e rëndë, po të domosdoshëm për t’i shpëtuar jetën.
Vetë Bellugi, që me Italinë ka marrë pjesë në Botërorin e vitit 1974 dhe 1978, ka reaguar me kurajë, duke deklaruar se do ta kalojë situatën, “duke vënë proteza si ato të Pistorius”. (A2 Televizion)
A2 CNN Livestream
MUND TE LEXONI GJITHASHTU
