Pas vendimit të Gjykatës së Komitetit Olimpik Italian që vendosi që ndeshja mes Juventusit dhe Napolit të riluhet, duke i hequr 3 pikë nga renditja, bardhezinjtë kanë pësuar dhe një tjetër disfatë gjatë mbrëmjes së të martës.
Djemtë e Pirlos janë mundur në ndeshjen e radhës në shtëpi me rezultatin 3-0 përballë Fiorentinës, duke u shkëputur dhe më tej nga gara për titull.
Duhet thënë që ndeshja u kushtëzua shumë dhe nga dalja me të kuqe e Kuadrado, i cili e la “Zonjën e Vjetër” me një lojtar më pak për pjesën më të madhe të lojës.
Për Fiorentinën ndeshja nisi me gol që në minutën e 3 falë Vlahoviç. Juventus u përpoq të kundërpërgjigje, por miqtë ishin të vendosur mirë në mbrojtje.
Në momentin më të mirë të bardhezinjve vjen dhe goli i dytë për Fioren falë një autogoli të Alex Sandro. Goli i tretë u shënua nga Caceres.
Kjo është humbja e parë për Juventusin në këtë kampionat, i cili nuk mposhtej në Serinë A që prej ndeshjes së fundit nga sezoni i kaluar kur Roma fitoi 3-1 në Torino. (A2 Televizion)
A2 CNN Livestream
MUND TE LEXONI GJITHASHTU
