Tre persona janë arrestuar nga policia në një lokal nate në Shkodër.
Sipas njoftimit të policisë, ambientet e lokalit ishin vënë në dispozicion nga pronari për përdorimin e drogave të forta dhe për ushtrim prostitucioni.
Në pranga janë vënë dy menaxherët e klubit të natës dhe një këngëtar, që në bashkëpunim me pronarin e klubit, i cili është shpallur në kërkim, kanë shitur kokainë.
Të arrestuarit janë A.V, 29 vjeç, menaxheri i klubit, lindur dhe banues në Shkodër, i dënuar më parë për veprën “Prodhimi dhe shitja e narkotikëve”;G. M., 27 vjeç, menaxher i klubit, lindur dhe banues në Shkodër, i arrestuar më parë për të njëjtën vepër penale “Prodhimi dhe shitja e narkotikëve, në bashkpunim”;Z. J., 57 vjeç, këngëtar në klub, lindur në Muriqan e banues në Shkodër.
"Nga hetimet e kryera ka rezultuar se të gjithë këta shtetas, në bashkpunim me njëri-tjetrin dhe persona të tjerë kanë shitur dhe shpërndarë lëndë narkotike kokainë, kanë vënë në dispozicion ambientet e lokalit për përdorimin e drogave dhe për ushtrim prostitucioni", lexohet në njoftimin e policisë. (A2 Televizion)
A2 CNN Livestream
MUND TE LEXONI GJITHASHTU
