Qeveria mori përsipër të subvencionojë një pjesë të çmimit të energjisë për bizneset në tensionin e mesëm, por as shteti dhe as kompanitë publike të energjisë nuk po bëjnë transparencë për çmimin që i faturojnë sot për dritat. Sipas ekspertit për energjinë, Eduart Elezi, duhet shpjeguar se si është llogaritur ky çmim për të shmangur abuzimet.
Sipas të dhënave zyrtare, fundvitin e shkuar, konsumi i energjisë arriti në 2.1 TWh, nga të cilat 850 GWH u furnizuan nga hidrocentralet publike, 730 GWh nga hidrocentralet private dhe 543 GWh ishte import neto, pra diferenca midis importeve dhe eksporteve.
Nëse për bizneset përdoret energjia e shtrenjtë që blihet dhe çmimi i ulët i prodhimit nga KESH përdoret për konsumatorët familjarë, sipas ekspertit Elezi, atëherë me këtë logjikë këta të fundit do të duhet të paguanin më pak.
Vitin e shkuar, Shqipëria rezultoi një eksportues neto i energjisë, por kompania publike OSHEE mbarti një humbje prej 116 milionë eurosh, sipas administratorit të saj, prej rritjes së çmimeve të energjisë në tregjet ndërkombëtare. (A2 Televizion)
A2 CNN Livestream
MUND TE LEXONI GJITHASHTU
