Interi dhe Manchester City do të luajnë finalen e Champions-it më 10 qershor në Stamboll. Një takim historik për dy skuadrat, i cili po pritet me entuziazëm të jashtëzakonshëm nga tifozëritë respektive.
Megjithatë, një tifoz i flaktë zikaltër duket se nuk e kishte parashikuar një arritje të jashtëzakonshme të skuadrës së Interit ose kishte bërë llogaritë gabim, duke caktuar më 10 qershor dasmën e tij.
Kur nusja e mori vesh që Interi shkoi në finale u ndje e “tradhtuar” dhe reagoi menjëherë në rrjetet sociale. Menjëherë, postimi i saj u bë viral.
“Përshëndetje të gjithëve! Unë do të martohem më 10 qershor 2023 dhe për ironi, atë ditë është finalja e Champions League... Dhe për ironi në finale është Interi, skuadra e burrit tim të ardhshëm... Ai thotë se nuk e ka problem të mos e shikojë ndeshjen, por ngulmon të vendosë një televizor për të ftuarit. Ai thotë se do të do të dukem keq nëse nuk e bëj. Sinqerisht, për mua, përshtypje të keqe do të bënin ata që do të shihnin ndeshjen në vend që të festonin”. (A2 Televizion)
A2 CNN Livestream
MUND TE LEXONI GJITHASHTU
