Finlanda në NATO, Kongresi i SHBA do ta miratojë aplikimin përpara gushtit

Kongresi Amerikan synon që ta ratifikojë aplikimin e Finlandës për t’ju bashkuar NATO-s përpara pushimeve të gushtit.

Këtë e konfirmoi lideri i republikanëve në Senat, Mitch McConnel, i cili në një vizitë në Helsinki, tha se ekziston një mbështetje dy partiake për anëtarësimin e vendit nordik në aleancën ushtarake.

 “Sa i përket lajmeve të fundit, mendoj se mund të them se kemi një mbështetje të fuqishme dy partiake në Shtetet e Bashkuara për pranimin e Finlandës në aleancën ushtarake më të suksesshme të botës. Nuk ka ekzistuar kurrë një aleancë ushtarake më e suksesshme se NATO. Finlanda i sjellë shumë aleancës, sinqerisht pjesëmarrja e tyre fuqizon ndjeshëm aleancën dhe është një nder I madh që ndodhem këtu në ditën kur kërkesa juaj për pranim është bërë zyrtare. Synimi i SHBA-ve do të jetë ta miratojmë sa më shpejt të mundemi”, deklaroi Mitch McConnell, lider i republikanëve në Senatin e SHBA.

Mc Connell shtoi se mendoj dhe shpreson që “ta bëjmë këtë përpara pushimeve të gushtit, kur Kongresi përfundon punimet”. (A2 Televizion)