Ka shumë risi mes parfumeve të verës 2023 për femra, por kemi përzgjedhur ato parfume që na kthejnë drejt kujtimeve të detit, pushimeve, diellit dhe lirisë. Nëse qëllimi juaj është të zgjidhni një parfum të ri femëror (ose unisex), shfletoni galerinë për të zgjedhur atë që ju përshtatet mes aromave verore. (A2 Televizion)
Një riinterpretim energjik i aromës origjinale CK One, është frymëzuar nga emocionet dhe spontaniteti i ditëve të verës të kaluara me miqtë dhe lumturia nën diellin rrezatues të reflektuar në ujë. Një përzierje notash frytdhënëse dhe agrume me një bazë të ngrohtë dhe drunore. CK One Reflections hapet me xhenxhefil natyral dhe limon të akullt; në zemër një notë e freskët dhe shkëlqyese e çajit jeshil të ftohtë e lidh lëngun e ri me përbërjen origjinale. Një bazë e ngrohtë dhe drunore e Musk harmonizon aromën për një efekt përfundimtar të sofistikuar.
Në serinë më të shitur GUESS Seductive seria e re është frymëzuar nga joshja e sigurt e gruas GUESS, e guximshme dhe gjithmonë e gatshme për aventura të reja dhe intensive. Aroma hapet me notat e Dardhës së freskët dhe Bergamotit Italian, ndërsa zemra mbledh një shpërthim freskie falë Petaleve të Bozhures, Ujit të Trëndafilit, Freesia Blu dhe Ciklamenit. Notat bazë janë kumbulla, qelibar dhe Patchouli indonezian.
Deti në një formë të pa njohur më parë është protagonisti i linjës së parfumeve SALUM, të firmosur nga Nose Luca Maffei. Këto janë aroma detare që ofrojnë një horizont të ri nuhatës të krijuar me lëndë të para të reja dhe me nota të papritura, nga notat intensive të detit arab tek notat e ftohta të deteve veriore që kalojnë nëpër detin e Japonisë me stimujt e tij të shumtë nuhatës. Konkretisht, Marine Oud hapet me nuanca të kripura, detare dhe ozoni që ndërthuren me pikësimet e gjalla pikante agrume, duke u bashkuar më pas me një zemër të errët dhe joshëse. Magjia e lules së shafranit, duhanit bjond dhe mirrës bashkohen në një lojë enigmatike me prekje kafeje, ndërsa nota bazë, intime dhe e fshehur, është një shpërthim i Amberit, Oudit dhe pyjeve sensuale.
Freskia që jepet nga notat e Bergamotit dhe Livandës, ndërsa aromat e Jaseminës na mbështjellin në fillim për të na çuar butësisht drejt aromave gjithnjë e më intriguese të Muskit të Bardhë dhe Vetyverit, deri në përfshirjen e thellë në mijëra aspekte të Ambroxanit magjepsës, i dendur, drunor dhe shtazor që pasurohet nga personaliteti i mbajtësit. Profili aromakologjik i Wayout, që i përket familjes së parfumeve molekulare, jeshile dhe fougères, është padyshim stimulues, qetësues dhe tonik, një nxitje energjie për lodhjen mendore.
Fleur d'Oh sugjeron thjeshtësi të thellë përmes freskisë së pafajshme. Ky krijim i mprehtë nxjerr në pah një gjethe të veçantë Shiso të çiftuar me Yuzu për të përmirësuar një lule delikate portokalli. Një aromë aq e nevojshme si uji në lëkurë të zhveshur.
SO SATIN është një odë për festat, pikante dhe argëtuese, me shkëlqim dhe sensuale ashtu si sateni. Aroma hapet me freskinë e Bergamotit dhe Mandarinës, me një zemër xhenxhefili të bërë edhe më të shkëlqyeshme nga një prekje e piperit. Lulet e limonit dhe trëndafili i egër shtojnë një element të egër, por të sofistikuar për të vazhduar lojën e kontrasteve. Në bazë, notat pikante të Artemisias dhe ato të ngrohta të Patchouli theksojnë dhe rregullojnë intensitetin e Xhenxhefilit.
Një aromë mashkullore që mund t'i pëlqejë edhe asaj. REBORN Eau de Parfum është i pastër, minimalist, me burim të përgjegjshëm dhe tërësisht vegan. I mbledhur me përgjegjësi në ishullin e Haitit, ky Vetiver është joshja më elegante që mund të ofrojë toka: një akordi i drurit Fougère që është sa i freskët dhe intensiv.
A2 CNN Livestream
MUND TE LEXONI GJITHASHTU
