30 mijë maturantë tashmë janë njohur edhe me notat e provimit të gjuhës shqipe dhe letërsisë. Vetëm 15 maturantë në të gjithë vendin kanë dalë ekselentë me 10 absolute, ndërsa 444 nxënës nuk kanë arritur të marrin provimin.
Edhe për këtë provim ministrja e arsimit është shprehur entuziaste për kalueshmërinë 98%, e cila është në të njëjtat nivele me kalueshmërinë në vitet e pandemisë.
Për Dhurata Shehrin, pedagoge e Letërsisë në Fakultetin Filologjik të Universitetit të Tiranës, teza ishte e hartuar mirë, por vështirësia ishte nën nivelin mesatar.
Ndërkohë korrigjimi i këtij provimi është ndër më të vështirët. Profesorja e letërsisë njëherësh autore e teksteve shkollore tregon se përse ndodh kjo.
Por referuar nivelit të studentëve që hyjnë në degën gjuhë-letërsi, Dhurata Shehri thotë se numri i mbetësve edhe në këtë maturë duhet të ishte më i lartë.
Ndërkohë maturantët i kanë dhënë fund provimeve të maturës shtetërore. E hëna e 19 qershorit shënoi fundin e këtij procesi, i cili u mbyll nga provimi i lëndës me zgjedhje.
Tashmë janë në pritje të dy notave për të nisur llogaritjet dhe aplikimet për shkollën e lartë. (A2 Televizion)
A2 CNN Livestream
MUND TE LEXONI GJITHASHTU
