Greqia ka shpallur masa të reja për të luftuar pandeminë e koronavirusit, në një kohë kur infektimet e reja janë shtuar ndjeshëm si dhe shtrimet në spital.
Në një deklaratë për shtyp, kryeministri Kyriakos Mitsotakis u shpreh se vaksinimi kundër koronavirusit do të bëhet i detyrueshëm për personat mbi 60 vjeç dhe i kërkoi nga kjo grupmoshë që të marrin dozën e parë brenda datës 16 janar.
“Grekët mbi moshën 60-vjeçare duhet që patjetër të bëjnë terminet për dozën e parë deri më 16 janar.
Tani e tutje, vaksinimi i tyre është i detyrueshëm”, tha kryeministri.
Sipas të dhënave zyrtare, më shumë se 500 000 grekë mbi moshën 60-vjeçare kanë refuzuar që të vaksinohen. Tashmë, pasi ligji të miratohet në parlament ata do të përballen me një gjobë 100 euro, nëse nuk marrin vaksinën. (A2 Televizion)
A2 CNN Livestream
MUND TE LEXONI GJITHASHTU
