Përhapja e gripit të shpendëve duket se është frenuar. Ministri e Bujqësisë njoftoi se për të dytën ditë me radhë nuk është konstatuar asnjë rast i ri me influencën aviare gjatë 24 orëve të fundit.
Aktualisht, sëmundja është e përhapur në Durrës, Prespë, Dibër, Divjakë e Devoll.
“Në 24 orët e fundit nuk kemi asnjë rast të ri të konfirmuar apo vatër infeksioni. Vazhdon monitorimi i vazhdueshëm në Organizatën Botërore të Shëndetit të Kafshëve mbi situatën epidemiologjike të shfaqjes së influencës aviare me qëllim marrjen e masave kufizuese për importin në vend. Jemi në monitorim të vazhdueshëm të të gjithë territorit.
Sigurojmë konsumatorin se ushqimet në tregun tonë, në qendrat e licencuara janë të sigurta. Nuk ka asnjë rrezik nga konsumi i mishit dhe vezëve të gatuara me temperature më të larta se 70 gradë Celsius siç është edhe procedura normale e gatimit”, tha zv/ministrja Ermira Gjeci. (A2 Televizion)
A2 CNN Livestream
MUND TE LEXONI GJITHASHTU
