Kane Tanaka e ka çuar edhe më tej rekordin si njeriu më i vjetër në botë, teksa festoi 117-vjetorin e lindjes në një azil të moshuarish në Fukuoka të Japonisë.
Ajo e festoi ditëlindjen këtë të diel me miqtë e saj dhe stafin në azilin e të moshuarve, edhe pse ditëlindja e saj ishte më 2 janar. Sigurisht që torta nuk mungoi. “E shijshme”, tha Tanaka. “Dua edhe më shumë”.
Kane Tanaka ka lindur në janar të vitit 1903 në Fukuoka, pra 117 vjet më parë. Ajo u martua me Hideo Tanaka në vitin 1922 dhe bëri 4 fëmijë, ndërsa adoptoi edhe një tjetër.
117-vjeçarja ka të paktën një shekull që zgjohet çdo ditë në orën 6 të mëngjesit dhe e kalon ditën duke luajtur orë të tëra me letra, edhe pse një pasion tjetër i madh është matematika.
Megjithatë, rekordi i Tanaka-s është edhe një simbolikë e popullsisë japoneze, e cila po plaket me ritme të shpejta, për shkak të rënies së numrit të lindjeve. (A2 Televizion)
A2 CNN Livestream
MUND TE LEXONI GJITHASHTU
