Ish-ministri i Financave, Arben Ahmetaj, është sulmuar nga mbështetës të Lëvizjes Bashkë, teksa ecte në drejtim të Parlamentit, ku ligjvënësit janë mbledhur në seancën plenare të së enjtes.
Nga pamjet e siguruara, disa mbështetës së Lëvizjes Bashkë, të cilët kanë dalë sot në protestë kundër projektligjit për rritjen e pagave, hedhin “kartëmonedha” në drejtim të ish-zv/kryeministrit.
“Hajdut! Nuk garantoni minimumin jetik. Jeni të korruptuar!”, janë disa nga thirrjet që dëgjohen.
“Lëvizja Bashkë” e Arlind Qorrit ka thirrur sot një protestë para parlamentit me parullën “Mos u ngopshi!”, teksa Kuvendi pritet që të miratojë sot rritjen e pagave për presidentin, kryeministrin, ministrat, deputetë dhe të gjitha nivelet e administratës publike. (A2 Televizion)
A2 CNN Livestream
MUND TE LEXONI GJITHASHTU
