Presidenti i Shteteve të Bashkuara të Amerikës, Joe Biden ka akuzuar sërish Rusinë se fshihet mbas sulmeve të fundit kibernetike të ditëve të fundit ndaj kompanive të ndryshme amerikane.
Kreu i Shtëpisë së Bardhë premtoi se Uashingtoni do të përgjigjet ndaj këtyre krimeve online sapo të sigurohet mirë se kush është urdhëruesi i tyre.
“Mendimi i parë ishte që nuk bëhej fjalë për qeverinë ruse, por tani nuk jemi të sigurt”, tha Biden.
Çështja e sulmeve të hakerave ndaj kompanive është bërë një shqetësim i madh kohët e fundit. Madje kjo temë ishte pjesë e agjendës së bisedimeve në takimin e fundit mes liderëve Putin dhe Biden, ku u premtua një angazhim i ndërsjellë për bashkëpunim në këtë fushë. (A2 Televizion)
