Harvey Weinstein u shpall fajtor për tri akuza për përdhunim dhe sulm seksual, ndërsa juria e liroi atë nga një akuzë tjetër dhe nuk arriti unanimitet për tri akuza të tjera. Weinstein u përball me dy akuza për përdhunim dhe pesë për sulm seksual në episodet që dyshohet se ndodhën në hotelet e Los Anxhelosit midis viteve 2004 dhe 2013.
Fituesi 70-vjeçar i Oscar-it pritet të përballet me një dënim deri në 24 vjet burg. Ai tashmë po vuan 23 vjet burg pasi u dënua për përdhunim dhe sulm seksual në gjyqin e tij të parë në Nju-Jork dy vjet më parë.
Weinstein u shpall fajtor të hënën për përdhunim dhe dy akuza për sulm seksual që përfshinin një akuzuese të njohur si Jane Doe 1, e cila ishte një modele me origjinë ruse.
Juria nuk ishte në gjendje të vendoste për disa pika, për akuzat që përfshinin Jennifer Siebel Newsom, gruan e guvernatorit të Kalifornisë Gavin Newsom.
Gjyqi u dëgjua nga dhjetëra dëshmitarë në më shumë se katër javë dëshmi shpesh emocionale. Por vendimi i së hënës u fokusua në akuzat e katër grave që rrjedhin nga 2005-2013.
Juria e përbërë nga tetë burra dhe katër gra kaloi nëntë ditë duke diskutuar mbi tri akuza për përdhunim dhe katër akuza të tjera për sulme seksuale. (A2 Televizion)
A2 CNN Livestream
MUND TE LEXONI GJITHASHTU
