Humus është premiera më e re që pritet të ngjitet në skenën e Teatrit të Operas dhe Baletit. Julind Dervishi është koreografi i ri që përmes baletit i bën jehonë natyrës.
Si humusi i tokës, si një lavd dhe gëzim për të nderuar natyrën, Julind Dervishi ka krijuar lëvizjet e këtij baleti. Koreografi premton klasiken dhe modernen bashkë në skenë.
“Është balet për të mirat e natyrës dhe të këqijat që ne bëjmë. Ideja ishte të jepnim një mesazh, por vepra nuk është e fokusuar te revolta, sepse ne duhet të jemi të gëzueshëm për atë që kemi”, thotë Dervishi.
Sipas balerinit Dion Gjiknika, “është balet i vështirë në pjesën atletike dhe të frymëmarrjes, ku balerinët duhet të jenë mirë të përgatitur”.
Shfaqja vjen si produkt i Teatrit të Operas dhe baletit nën projektin artistët e së ardhmes. “Humus” do të ngjitet në skenë vetëm dy mbrëmje, në datat 5 dhe 6 nëntor. (A2 Televizion)
A2 CNN Livestream
MUND TE LEXONI GJITHASHTU
