Infografika: Ku ka sulmuar Rusia dhe ku janë përqendruar forcat ushtarake

Rusia nisi këtë të enjte pushtimin e Ukrainës, duke bombarduar qytete të ndryshme në të gjithë territorin, jo vetëm në lindje, ku pretendon se po i vjen në ndihmë separatistëve që kanë vetëshpallur Republikën Popullore në Donetsk dhe Luhansk.

Sulme me predha janë kryer në afërsi të Kievit, në qytetin e dytë më të madh, Kharkiv, por edhe në Odessa dhe pranë Lvivit, në perëndim të Ukrainës, pranë kufirit me Rumaninë dhe Poloninë.

Sulmi i Rusisë është dënuar nga Perëndimi dhe NATO, që kanë shfaqur vendosmëri për t’iu kundërpërgjigjur.

Si janë vendosur trupat ushtarake të Rusisë dhe NATO-s rreth Ukrainës. (A2 Televizion)

Rusi-Ukrainë, çfarë duhet të dini për luftën

• Ukraina është shtet kufitar me Rusinë. Është shteti i dytë më i madh në Europë në sipërfaqe, dhe është pushtuar nga Rusia, shteti i parë më i madh në botë për nga sipërfaqja.
• Ukraina ka një popullsi prej rreth 44 milionë banorë, Rusia 144 milionë.
• Presidenti rus, Vladimir Putin, thotë se objektivi i tij është demilitarizimi i Ukrainës.
• Presidenti i Ukrainës, Volodymyr Zelensky, është zotuar se do të luftojë për lirinë e vendit të tij.
• Si një republikë e ish-Bashkimit Sovjetik, Ukraina ka lidhje të forta kulturore me Rusinë, dhe rusishtja është gjuhë e folur gjerësisht në vend.
• Rusia ka aneksuar pjesë nga territori i Ukrainës që prej vitit 2014, kur mori Gadishullin e Krimesë.

Si nisi pushtimi i Ukrainës?

• Në një fjalim televiziv në orën 05:55 të mëngjesit me orën e Moskës, Presidenti rus, Vladimir Putin deklaroi një “operacion ushtarak” në krahinën lindore të Ukrainës, Donbas
• Putin tha se Rusia po vepronte për vetëmbrojtje. Ai u bëri thirrje ushtarëve ukrainas të dorëzonin armët. Çdo ndërhyrje nga fuqitë e huaja kundër Rusisë do të ketë përgjigje të menjëhershme, tha Putin.
• Kievi thotë se Rusia ka goditur me predha infrastrukturën ukrainase. Gjithashtu, thotë se ka rrëzuar disa avionë luftarakë rusë, deklaratë që mohohet nga Moska.
• Karvanët me trupa dhe tanke ruse kanë hyrë në Ukrainë nga disa drejtime. Një karvan u fut edhe nga kufiri me Bjellorusinë, në veri të Kievit. Një tjetër nga Krimea, në jug. Gadishulli është gjithashtu pjesë e Ukrainës, por është aneksuar nga Rusia që në vitin 2014.
• Sipas njoftimeve paraprake, të paktën 8 ushtarë ukrainas janë vrarë.
• Në Kiev janë krijuar radhë të gjata me makina që duan të largohen nga kreyqyteti. Banorë të tjerë kanë kërkuar strehë në metro.
• Ukraina ka shpallur ligjin Marshall. Ministri i Jashtëm, Dmytro Kubela, ka bërë thirrje për sanksione shkatërruese, përfshi edhe përjashtimin e Rusisë nga sistemi swift i transfertave bankare.
• Çmimi i naftës u rrit në 100 dollarë për fuçi, për herë të parë në 7 vite. Monedha ruse, rubla, pësoi zhvlerësimin më të madh ndonjëherë kundër dollarit dhe euros.