Autoritetet në Izrael bëjnë me dije se kanë deportuar një avokat palestinezo-francez të të drejtave të njeriut, i cili akuzohet se ka vënë në rrezik sigurinë e shtetit.
Salah Hamouri, 37 vjeç, u shoqërua në një fluturim për në Francë nga policia të dielën dhe iu hoq e drejta e qëndrimit në Jeruzalem sepse dyshohet se është anëtar i një organizate terroriste.
Në një deklaratë, Ministria e Brendshme në Izrael bën me dije se Hamouri kishte organizuar, frymëzuar dhe planifikuar të kryente sulme terroriste kundër qytetarëve dhe personaliteteve izraelitë.
Ministrja e Brendshme Ayelet Shaked, pjesë e qeverisë izraelite në largim, e përshëndeti këtë veprim si një sukses të personelit.
“Ky ishte një proces i gjatë dhe i stërzgjatur dhe është një arritje e jashtëzakonshme që unë munda të bëja dëbimin e tij pak para përfundimit të detyrave të mia, duke përdorur mjetet që kisha në dispozicion për të çuar përpara luftën kundër terrorizmit”, shkruhet në deklaratën e ministrit.
Hamouri ka nënshtetësinë franceze nëpërmjet nënës së tij. Ai punon për organizatën “Addameer”, një grup palestinez që ofron ndihmë juridike dhe mbron të drejtat e të burgosurve, i cili u përcaktua një organizatë terroriste nga Ministria izraelite e Mbrojtjes në tetor 2021, së bashku me pesë grupe të tjera të shoqërisë civile palestineze. (A2 Televizion)
A2 CNN Livestream
MUND TE LEXONI GJITHASHTU
