Partia Demokratike akuzoi Gjykatën e Tiranës se prej 2 javësh nuk kthen përgjigje dhe nuk vë në dispozicion të kësaj force politike, vendimin e gjyqtares Blerina Muçaj e cila pranoi ankimin e Enkelejd Alibeajt, kundër regjistrimit të akteve të dala nga Kuvendi i 11 Dhjetorit.
“Arsyeja e vetme e kësaj manovre vonese është që dosja e regjistrimit në gjykatë te Kuvendit të 11 Dhjetorit të degdiset në gjykatën e Apelit përpara se Partia Demokratike të ketë mundësinë të animojë vendimin. Partia Demokratike i bën thirrje drejtuesve të Gjykatës Tiranë, përkatësisht kryetarit Flamur Kapllani dhe Kancelarit Donald Xhelili që të mos bëhen pjesë e këtij skenari bllokimi të paligjshëm”, thuhet në deklaratën e drejtoreshës së Informacionit në PD, Floriana Garo.
Sipas PD, ky eshte një skenar i jashtëligjshëm që synon të pengojë ankimimin ndaj vendimit të gjyqtares Muçaj, brenda afateve ligjore. PD paralajmëroi kallëzime penale ndaj kujtdo të përfshirë në këtë çështje. (A2 Televizion)
A2 CNN Livestream
MUND TE LEXONI GJITHASHTU
