Liverpool ka rezultuar pa fat në ndeshjen e parë të fazës së 1/8 në Champions League përballë madrilenëve të Atleticos.
Edhe pse vinin në këtë ndeshje me petkun e kampionëve të Europës në fuqi, Liverpool është mundur minimalisht me rezultatin 1-0 nga “Los Colconeros” falë një goli të Saul Niguez në minutën e katërt të takimit.
Vendasit vinin me shumë mungesa në këtë ndeshje dhe goli i minutave të para iu dha më shumë siguri. Për Liverpool, ky gol qe një goditje, por britanikët morën frenat e lojës dhe për minuta të tëra sulmuan portën e Oblak.
“The Reds” krijuan raste pa fund, por fati ishte me vendasit dhe në duart e portierit slloven. Ndeshja e kthimit do të zhvillohet më 11 mars dhe pritet të jetë një duel i fortë, me Liverpool që kërkon me çdo kusht të ruajë titullin kampion.
Në ndeshjen tjetër të mbrëmjes Borussia Dortmund fitoi nga PSG me rezultatin 2-1 falë një dygolëshi të Halaand. (A2 Televizion)
A2 CNN Livestream
MUND TE LEXONI GJITHASHTU
