Rusia dhe Kina kanë përfunduar stërvitjet detare në Detin e Kinës Lindore, pas një jave stërvitjesh të përbashkëta që përfshinin praktikimin e kapjes së një nëndetëse armike me ngarkesa në thellësi dhe gjuajtjen e artilerisë në një anije luftarake.
Sipas Ministrisë ruse të Mbrojtjes, stërvitjet e 21-27 dhjetorit, të titulluara "Ndërveprimi detar-2022", përfshinin flotën ruse të Paqësorit dhe u kryen në ujërat e Zhoushan dhe Taizhou në provincën Zhejiang të Kinës.
“Detashmentet e luftanijeve të Flotës së Paqësorit dhe Forcave Detare të Ushtrisë Popullore Çlirimtare të Kinës kanë përfunduar detyrat praktike në kuadër të stërvitjes dypalëshe detare. Anijet e të dyja vendeve, me mbështetjen e aviacionit antinëndetëse, kërkuan së bashku për një nëndetëse të një armiku të kushtëzuar dhe qëlluan një breshëri në thellësi”.
Ministria e Mbrojtjes e Rusisë
Sipas agjencisë së lajmeve TASS, udhëheqësi kinez Xi Jinping do të flasë me presidentin Vladimir Putin para fundit të vitit. (A2 Televizion)
A2 CNN Livestream
MUND TE LEXONI GJITHASHTU
