“KE gati për propozime që na çojnë drejt zgjerimit brenda 2030”, Rama: Varhelyi s’e ka zhgënjyer asnjëherë rajonin

"Duhet ta pranojmë që treni i ngadaltë i Bashkimit Europian po bëhet një vend interesant, edhe pse nuk kemi ende një sedilje të lirë." Është ky reagimi i kryeministrit Edi Rama për komentet që kanë pasuar pas deklaratave të Charles Michel për zgjerimin e Unionin brenda vitit 2030.

Deklarata e Ramës vjen pasi eurokomisioneri për zgjerimin dhe fqinjësinë e mirë, Olivér Várhelyi reagoi pozitivisht ndaj deklaratave të Presidentit të Këshillit Evropian, Charles Michel gjatë forumit të Bled-it.

“E mirëpres faktin që Këshilli kërkon më në fund që të angazhohet dhe të ndërmarrë një hap të madh për ta bërë të mundur zgjerimin. Komisioni Europian ka qenë gjithnjë gati për të bërë propozime që mund të na çojnë drejt zgjerimit në 2030,” deklaron ndër të tjera Varhelyi.

Nga ana tjetër, kreu i qeverisë shprehet se komisioneri për zgjerim s'e ka lënë asnjëherë në baltë rajonin, sidomos në kohë të vështira.

Duhet pranuar se pas fjalimit të papritur të Presidentit Michel në Forumin Strategjik të Bled, autobusi i ngadaltë i BE-së po bëhet një vend interesant për të qëndruar edhe pa një vend të lirë, pa dyshim që pasagjerët e Ballkanit Perëndimor mund ta durojnë më mirë gjatësinë e gjatë të udhëtimit, ndërsa ndjekin një bisedë me zë të lartë mes djemve të ulur. Le të dëgjojmë se çfarë do të ndodhë më pas.

Edi Rama, platforma X

Kujtojmë se nga forumi i Bled-it ne Slloveni, me herët Presidenti i Këshillit Evropian, Charles Michel, propozoi që viti 2030 të caktohet si afati, deri kur BE-ja dhe vendet kandidate të jenë të gatshëm për zgjerim.

Gjatë fjalimit në Forumin Strategjik të Bledit, ai përsëriti disa herë se tani e tutje vendeve kandidate u duhet referuar si “anëtare të ardhshme të BE-së”.

Megjithatë, propozimi i presidentit të Këshillit Europian nuk u pritet me entuziazëm në Komisionin Europian.

Teksa pranoi se zgjerimi është prioritet politik, zëdhënësja e kahut ekzekutiv të bllokut, Dana Spinant theksoi se Komisioni nuk është i përqendruar tek afatet kohore, por te ndihma e ofruar për vendet kandidate për të përparuar në procesin e zgjerimit. (A2 Televizion)