Këshilli i energjisë SHBA-BE, angazhim për sigurinë energjetike të Ballkanit Perëndimor

Nga A2 CNN
7 Shkurt 2022, 10:42 | Ekonomi
Këshilli i energjisë SHBA-BE, angazhim për sigurinë

Siguria e furnizimit me energji në Ballkanin Perëndimor dhe integrimi energjetik i rajonit me BE-në, do të jenë temë diskutimi në takimin e Këshillit të përbashkët të Energjisë BE-SHBA.

Teksa pritet të adresojnë shqetësime si rritja e çmimit të energjisë, tranzicioni drejt energjisë së pastër dhe tensionet aktuale me Rusinë, përfaqësuesit e administratës Biden dhe atë të BE, përmendin edhe Ballkanin Perëndimor në draft deklaratën që duhet ende të miratohet.

“Këshilli përsërit rëndësinë e ndërtimit të një sistemi konkurrues, transparent dhe të integruar energjetik në Ballkanin Perëndimor dhe tregjet e asociuar, reformat e rregullatorëve në përputhje me politikën e zgjerimit dhe obligimet nga Traktati i Komunitetit të Energjisë”.

Këshilli po ashtu mbështet dekarbonizimin e sistemit të energjisë në Ballkanin Perëndimor, që nënkupton largimin gradual nga prodhimi i rrymës përmes qymyrit dhe orientimi drejt burimeve me pak ndotëse. Edhe për Ballkanin Perëndimor, SHBA-ja dhe BE-ja duan që të kenë më shumë burime alternative të energjisë, në mënyrë që furnizimi me energji të jetë më i sigurt dhe më pak i varur nga burimet e kufizuara.

Në takim marrin pjesë sekretari amerikan i Shtetit, Antony Blinken, sekretarja amerikane për Energji, Jennifer Granholm, përfaqësuesi i lartë i BE-së për Politikë të Jashtme dhe Siguri, Josep Borrell, komisionarja evropiane për Energji, Kadri Simson dhe përfaqësues të tjerë amerikanë dhe evropianë. Edhe në takimin që i kushtohet energjisë, BE-ja dhe SHBA-ja pritet të nënvizojnë rëndësinë e forcimit të bashkëpunimit rajonal në Ballkanin Perëndimor. (A2 Televizion)

https://a2news.com/2022/01/24/rritja-e-cmimit-te-energjise-elektrike-seance-e-jashtezakonshme-ne-kuvendin-e-kosoves/
https://a2news.com/2022/01/19/kosova-rrit-cmimin-e-energjise-kurti-dikush-duhet-te-paguaje-importin-23-milione-euro-per-nje-dite/
https://a2news.com/2022/01/10/prodhimi-i-energjise-prurjet-e-pakta-te-reshjeve-te-pafavorshme-kete-vit/

A2 CNN Livestream

Latest Videos