Kina po çon përpara një marrëveshje gjithëpërfshirëse të sigurisë ekonomike rajonale me vendet e Paqësorit. Guardian raporton se kjo marrëveshje e cila do të zgjeronte në mënyrë dramatike ndikimin e saj dhe do të arrinte në ato vende, në një pakt që ka shqetësuar thellësisht vendet perëndimore dhe disa liderë të Paqësorit.
Marrëveshja e gjerë parashtron vizionin e Kinës për një marrëdhënie shumë më të ngushtë me Paqësorin, veçanërisht në çështjet e sigurisë. Kina propozon që ajo të përfshihet në trajnimin e policisë, sigurinë kibernetike, hartimin e ndjeshëm detar dhe marrjen e aksesit më të madh në burimet natyrore.
Një draft i marrëveshjes, i shkruar në një stil të ngjashëm me marrëveshjen e diskutueshme dypalëshe të sigurisë, nënshkruar nga Ishujt Solomon dhe Kina muajin e kaluar, dhe një plan veprimi pesëvjeçar, mbulojnë një gamë të madhe çështjesh. Në to përfshihet tregtia, financimi dhe investimet, turizmi, shëndeti publik dhe mbështetja e Covid-19, krijimi i shkëmbimeve të gjuhës kineze dhe kulturore, trajnimet dhe bursat, si dhe parandalimi dhe lehtësimi i fatkeqësive.
Marrëveshja do të diskutohet nga udhëheqësit e Paqësorit dhe ministri i Jashtëm kinez, Wang Yi, i cili ka nisur një turne maratonë në Paqësor, duke vizituar tetë vende në 10 ditë. Ai takohet me homologun e tij në Ishujt Solomon të enjten. (A2 Televizion)
A2 CNN Livestream
MUND TE LEXONI GJITHASHTU
