Policia e Shtetit arrestoi 3 persona në zonën e Selenicës në Vlorë për kultivim të bimëve narkotike.
Në kuadër të operacioni “Otima” u arrestuan në kushtet e flagrancës Ferdinant Llanaj, 43 vjeç, banues në Selenicë me pseudonimin "Robi", Dritan Begaj, 54 vjeç, banues në Vlorë dhe Ergi Cura, 21 vjeç, banues në Librazhd.
Gjatë kontrollit në territorin e banesës së Ferdinant Llanaj u gjetën rreth 600 bimë kanabis sativa të kultivuara dhe një sasi e vogël kanabisi e gatshme.
Gjithashtu këtyre shtetasve iu sekuestruan 4 automjete, dy prej tyre të blinduara, 6 aparate celular dhe një shumë parash.
Materialet i kaluan Prokurorisë pranë Gjykatës së Shkallës së Parë Vlorë, për veprat penale “Prodhimi dhe shitja e lëndëve narkotike” dhe “Kultivim i bimëve narkotike”, kryer në bashkëpunim. (A2 Televizion)
A2 CNN Livestream
MUND TE LEXONI GJITHASHTU
