“Ne nuk jemi subjekt në këtë koalicion, por të regjistruar brenda ligjit elektoral dhe rregullave që kërkon KQZ. Meqë nuk kemi vendim të gjykatës së Tiranës për depozitimin e ndryshimeve në statut që kemi bërë. Kandidatët i ka PD, komisioni i rithemelimit”.
Reagimit të PD-së së Bashës se Sali Berisha zyrtarizoi partinë e vjetër Meta-Berisha-Rama me këtë koalicion, Këlliçi iu përgjigj me arsyetimin se Basha ka qenë përfituesi më i madh i koalicioneve me LSI, të cilit i kujtoi ardhjen në krye të Ministrisë së Brendshme apo kryetar bashkie me votat e LSI-së që i hapën rrugën për të marrë partinë. Ai tha se ky koalicion bashkohet kundër Ramës dhe Bashës.
“Kjo është marrëveshja jonë, më 25 prill LSI-ja ishte në betejë për të bërë Bashën kryeministër. Nuk ka përfitues më të madh se Basha nga koalicioni me LSI-në. Tani bashkohemi përballë Rama – Basha. Përfituesi më i madh i koalicionit me LSI-në është Basha është bërë ministër i Brendshëm, kryetar bashkie në Tiranë, që i shtroi rrugën për të marrë PD. Dhe sa herë, si ka qenë në koalicion me PD përfituesi është Basha”.
I pyetur sepse nuk iu bashkua Fatmir Mediu koalicionit të Berishës, ai tha partia e tij dhe të tjerë zgjodhën të qëndrojnë larg dhe të mos regjistrohen në këtë proces zgjedhor. “Kanë pasur diskutime, por në momentin që refuzon fraksioni i vulës të zgjidhë krizën, kanë vendosur të qëndrojnë larg dhe të mos regjistrohen fare në këtë proces zgjedhor. Unë do të doja të ishin regjistruar, por mesa duket presin 6 marsin”.
Ai shprehet i sigurt në fitoren e bashkisë së Shkodrës dhe pret rezultat spektakolar në Durrës. “Është e padiskutueshme që do të fitojmë bashkinë e Shkodrës, do luftojmë për të fituar në Dibër, Lushnjë, Vorë e Rrogozhinë. Do të kemi rezultat spektakolar në Durrës. Kandidat më të mirë se Ardian Muka një urbanist shumë i mirë nuk mund të kishte”. (A2 Televizion)
A2 CNN Livestream
MUND TE LEXONI GJITHASHTU
