Në ditën kur pritet të kalohet në parlament, drafti për reformën zgjedhore, Oerd Bylykbashi, përfaqësuesi i PD në Këshillin Politik, u shpreh në A2 se, me atë që do të miratohet shkatërrohen standardet e zgjedhjeve kur loja ka filluar.
“Me atë që do të miratohet në parlament shkatërrohen standardet e zgjedhjeve kur loja ka filluar. Janë duke bërë edhe ndryshime që janë vetëm pazare për të ndihmuar Edi Ramën. Po shkelen edhe rekomandimet e ODIHR që ne i kemi miratuar në vitin 2009. Kjo nuk ndryshon fatin e PS, e cila humbet në vitin 2021”.
Por çfarë do të ndodhë me Këshillin Politik pasi Kodi të kalojë sot në Kuvend? “Në 3 javët e fundit, Këshilli Politik u bllokua. Kishte vetëm një detyrë, të zbatonte marrëveshjen e 14 janarit. Këshilli Politik funksionon mbi konsensus, jo mbi mazhorancën. Nëse nuk ka konsensus, hapi tjetër është t’ia dërgojmë opinionin ODIHR-it”.
Për Bylykbashin, Këshilli Politik tregoi se Edi Rama kishte vendosur të ndryshonte në mënyrë të njëanshme rregullat, pasi ka frikë nga humbja. (A2 Televizion)
A2 CNN Livestream
MUND TE LEXONI GJITHASHTU
