“Gjatë gjithë këtyre muajve kur është diskutuar pushtimi i Ukrainës nga Rusia, unë kam qenë e shqetësuar për militarizimin e Serbisë. Që prej vitit 2014 e deri sot vazhdon të harxhojë diku te 1,4 miliardë euro në vit për militarizimin e saj në buxhetin e mbrojtjes”.
Kështu u shpreh në Debat me Alba Alishanin, në A2 CNN, ish-zv/ministrja e Jashtme, Edith Harxhi, teksa u fol për tensionet mes Rusisë dhe Ukrainën dhe ndikimin që mund të ketë në Ballkan.
Harxhi u shpreh më pas se ngjarjet e fundit në Ballkan nuk janë të rastësishme në këtë periudhë.
“Së bashku me disa probleme që janë krijuar rishtazi në dialogun Serbi Kosovë, destabilizimi i skenës politike në Mal të Zi apo edhe ai në Maqedoni më shqetësojnë shumë për fatin e rajonit. Këto nuk janë të rastësishme në një kohë kur Rusia ka vendosur me mijëra trupa në kufij me Ukrainën”. (A2 Televizion)
A2 CNN Livestream
MUND TE LEXONI GJITHASHTU
