Reshje të dendura bore kanë përfshirë qarkun e Korçës në orët e vona të mbrëmjes, të cilat vijuan me intensitet deri në mëngjesin e së dielës.
Në disa zona malore si ajo e Dardhës dhe Voskopojës trashësia e borës ka arritur deri në 30 cm.
Akset nacionale janë të hapura, por në Qafë Thanë, Qafë Plloçë, Qafë Qarri dhe në drejtim të Dardhës duhet kujdes i shtuar dhe shpejtësi e reduktuar. Gjithashtu, policia iu kërkon drejtuesve të mjeteve të përdorin goma dimri ose zinxhirë.
Raportohet për disa fshatra pa energji në njësitë administrative të Maliqit. Njësia administrative e Vithkuqit prej orëve të para të mëngjesit vuan nga mungesa e energjisë elektrike.
Punonjës të OSSHE bëjnë me dije se kjo vjen për shkak të rrjetit të amortizuar dhe erës së fortë. Momentalisht trashësia e dëborës në Vithkuq ka shkuar deri në 35 CM ndërkohë në Shtyllë në mbi 50 cm. (A2 Televizion)
A2 CNN Livestream
MUND TE LEXONI GJITHASHTU
