Ngrihet sërish tensioni midis dy Koreve, në këtë fillimviti. Sipas autoriteteve koreano-veriore, por edhe atyre japoneze, regjimi i Penianit ka testuar në ujërat e gadishullit korean një raketë ende të panjohur.
Sipas qeverisë së Tokios, bëhet fjalë për një raketë ”balistike”, në një akt që po të konfirmohet do të përbënte një shkelje flagrante të së drejtës ndërkombëtare.
"Është vërtet për të ardhur keq që Koreja e Veriut po vazhdon të hedhë raketa, qysh nga viti i kaluar", u shpreh kryeministri japonez Fumio Kishida, duke shtuar se qeveria e tij po e mban lart nivelin e vëmendjes për atë që ndodh në atë rajon.
Zakonisht hedhja e raketave përkon me momente të caktuara brenda vendit komunist, si dhe janë një sinjal nga lidershipi, në veçanti nga Kim Jong Un.
Vetëm pak ditë më parë, lideri suprem kishte mbajtur fjalimin e fundvitit, ku ishte detyruar të pranonte vështirësitë në furnizimin me ushqim në vend, pasojë e masave shtrënguese të komunitetit ndërkombëtar, por edhe masave ndaj pandemisë që e kanë izoluar edhe më shumë vendin. (A2 Televizion)
A2 CNN Livestream
MUND TE LEXONI GJITHASHTU
