KPK shkarkon gjyqtarin Mustafaj, mban në detyrë prokuroren Kaçkini

Në një hark kohor prej 30 minutash Komisioni i Pavarur i Kualifikimit shpalli vendimet përfundimtare për tre njerëz të sistemit të drejtësisë.

KPK ka shkarkuar nga detyra gjyqtarin e Gjykatës së Tiranës  Ilir Mustafaj.

Mustafaj ishte një nga kandidatët për t’u bërë pjesë e Gjykatës Kushtetuese, ndërkohë që Prokurorja në Prokurorinë e Tiranës, Elida Kaçkini, është rikonfermuar në detyrë nga KPK.

Nga hetimi i thelluar administrativ i KPK rezultoi se dy automjetet në pronësi të saj dhe bashkëshortit, si dhe tre llogari bankare e depozita, janë siguruar me të ardhura të ligjshme, ndërsa disa mospërputhje për blerjen e një apartamenti nga bashkëshorti para martesës nuk kanë ndikuar në gjykimin pozitiv të KPK-së.

Kaçkini është edhe një nga kandidatet për SPAKU-un.  

Të njëjtin fat nuk e pati kreu i Prokurorisë së Vlorës, Ardian Ylli. Në seancën dëgjimore Komisioni relatoi probleme në pasuritë e tij, në bilanc negativ për disa vite dhe shpenzime të pambuluara në të ardhura të ligjshme. (A2 Televizion)