Kush është e moshuara që u gjet e pajetë në liqenin e Prespës, reagon Policia

Nga A2 CNN
2 Janar 2023, 12:00 | Kronikë
Kush është e moshuara që u gjet e pajetë në liqenin e

Një ngjarje e rëndë u raportua ditën e sotme nga Pusteci, ku një 80-vjeçare, e cila jetonte e vetme, pasi të bijën e kishte emigrante në Greqi, u gjet e mbutyr në Liqenin e Prespës, teksa kërkohej prej tre ditësh nga të afërmit dhe policia.

Në lidhje me ngjarjen ka reaguar edhe Policia e Shtetit, e cila thotë se, më datë 02.01.2023, rreth orës 10:00, në fshatin Liqenas, Pustec, pranë molit është konstatuar e mbytur në ujë, shtetasja Selfie Shena, 80 vjeç, banuese në Liqenas.

Sipas policisë, në trupin e viktimës nuk janë konstatuar shenja dhune, çka vërteton faktin se vdekja ka ardhur si pasojë e mbytjes.

“Pustec/Informacion paraprak: Më datë 02.01.2023, rreth orës 10:00, në fshatin Liqenas, Pustec, pranë molit është konstatuar e mbytur në ujë, shtetasja S. Sh., 80 vjeçe, banuese në Liqenas. Nga këqyrja paraprake e trupit të viktimës, nuk janë konstatuar shenja dhune. Për shtetasen S. Sh., një ditë më parë, ka bërë kallëzim në Polici, vajza e saj shtetasja V. Sh., rezidente në Greqi, e cila ka deklaruar se nëna e saj ishte larguar nga banesa më datë 30.12.2022. Trupi i pajetë i 80-vjeçares, është nxjerrë nga uji dhe do të dërgohet pranë morgut të spitalit Korçë, për ekzaminime të mëtejshme. Grupi hetimor po punon për sqarimin e plotë të rrethanave të ngjarjes. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.” (A2 Televizion)

Policia e Shtetit
https://a2news.com/2023/01/02/kerkohej-prej-tre-ditesh-e-moshuara-e-vetmuar-gjendet-e-mbytur-ne-liqenin-e-prespes/

A2 CNN Livestream

Latest Videos