Sekretarja për marrëdhëniet me publikun në Partinë e Lirisë, Silva Caka komentoi zhvillimet më të fundit në krahun e demokratëve të Alibeajt, ku pas përfundimit të afateve për regjistrim në KQZ, të paktën 5 kandidatë nuk do ta përfaqësojnë këtë grupim në zgjedhjet e 14 majit.
Caka deklaroi se tashmë të gjithë po e kuptojnë se PD e Alibeajt nuk përfaqëson askënd dhe paralajmëroi se do të ketë largime të tjera deri në datën ku do të hidhet fleta e votimit në kuti.
“Unë i konsideroj njerëz që nuk i ndjek as hija e tyre, as në kuptim organizativ. Këtë e tregoi dhe 6 marsi kur nuk kishin as komisionerë dhe as numërues. Edhe ata që e mendonin se mund të kishin diçka e kuptuan se nuk i sjellin asnjë gjë të mirë opozitës. Nuk e kemi bërë kot logon e koalicionin, vetëm bashkë fitojmë. Njerëzit mbase e kanë kuptuar që nuk mund të ndiqen ata që nuk i ndjek as hija e tyre. Besoj se do ketë reflektime të tjera. Vetëm dy kandidatë do të mbeten në fund që janë ata që kanë shitur shpirtin”, tha sekretarja për marrëdhëniet me publikun në Partinë e Lirisë, Silva Caka. (A2 Televizion)
A2 CNN Livestream
MUND TE LEXONI GJITHASHTU
